Kryeministri në detyrë, Ramush Haradinaj është shprehur se nuk do të votojë asnjë qeveri në datën 3 shkurt.
Ai theksoi se Aleanca për Ardhmërinë e Kosovës do të qëndrojë në opozitë dhe nuk do të përfshihet në ndonjë marrëveshje politike.
“Aleanca nuk është pjesë e ndonjë marrëveshje politike dhe nuk voton ndonjë Qeveri këtë të hëne. Domethënë ne jemi opozitë dhe nuk votojmë ndonjë Qeveri”, tha ai.
Haradinaj deklaroi se nuk mund të parashikojë se si do të shkojë seanca e së hënës për formimin e ekzekutivit.
“Këtë nuk e di, nuk e di a do të ketë një Qeveri të pakicës, dhe nuk mundemi me paragjyku si shkojnë më tutje”, shtoi ai.
Kujtojmë se ditën e hënë më 3 shkurt do të zhvillohet votimi për zgjedhjen e qeverisë së Kosovës.
