Presidenti i Kukësit, Safet Gjici, mori fjalën gjatë diskutimit në e rrumbullakët për të diskutuar ligjin mbi sportet. Gjici është një ndër presidentët që ka investuar më shumë në futbollin shqiptar. Ai mbështeti idenë e kryeministrit për të dënuar me burg tifozët që zbresin në fushë, por kërkoi që të ishte më i madh si dënim. Po ashtu kërkoi që klubet të privatizoheshin dhe të ishin të pavarura nga Bashkitë.
“Na kanë marrë në qafë këta palo tifozë, pesë apo dhjetë. Kush nga ne nuk e vendos rripin e sigurimit? Asnjë, të gjithë e vendosim. Sepse ndryshe ndëshkohemi me gjobë dhe ndaj ka ardhur respektimi i ligjit. Bashkitë shpenzojnë fondet për sportin në udhëtimet e tyre, ne presidentët jemi të angazhuar 100%. Asnjë president i Superligës nuk është pronar i klubit ku investon.
Nëse nuk merren masa shpejt, atëherë ne më mirë të ikim. Më thoni klube që administrohen nga Bashkitë dhe kanë sukses? Nuk ka, klubet që ecin janë ato me presidentë që investojnë.
Ligji i Kosovës për sportin është shumë më lart se sa ne. Pse nuk deklarojmë rrogat reale? Sepse nuk na njihet asnjë kontribut”.
