Shifra të frikshme vijnë nga Kosova, sa i takon bilancit nga koronavirusi. Gjatë 24 orëve të fundit, 16 persona e kanë humbur betejën me COVID-19.
Numri i të vdekurve nga COVID-19 deri më tani ka shkuar në 212. Po kështu, gjatë 24 orëve të fundit kanë dalë të infektuar 258 persona.
“Gjatë 24 orëve të fundit, në Laboratorin e Mikrobiologjisë Molekulare në IKShPK me metodën RT-PCR, janë testuar gjithsej 480 mostra të marra nga ShSKUK dhe gjurmimi i kontakteve të rasteve në terren prej të cilëve rezultojnë 258 raste pozitive.
Numri total i rasteve pozitive është 8.104 raste nga 36.050 persona të dyshimtë në virusin SARS-CoV-2, me gjithsej 212 raste të vdekjes të cilët kanë pasur sëmundje të tjera shoqëruese.
Gjatë 24 orëve të fundit, janë shëruar 196 pacientë derisa numri i përgjithshëm i të shëruarve deri më sot është gjithsej 4.463 raste, kurse numri i rasteve aktive është 3.429”, thuhet në njoftimin e IKSHPK-së.
