Kosova ishte shumë pranë një fitoreje mjaft të rëndësishme përballë një kundërshtari të fortë si Danimarka, por në kohën shtesë gjithçka është barazuar në 2-2. Përfaqësuesja kosovare ruan ecurinë pozitive dhe tashmë ka 11 ndeshje që nuk provon shijen e humbjes, diçka fantastike duke parë se sa pak vite ka që luan në skenën ndërkombëtare.
Ishte Rrahmani ai që kaloi të tijtë në avantazh në fund të pjesës së parë pas një goditje me kokë të pakapshme për portierin Schmeichel.
Pas pushimit, Christian Eriksen ka barazuar rezultatin nga pika e bardhë e penalltisë.
Megjithatë, rezultati 1-1 zgjati shumë pak momente pasi vendasit rikthyer avantazhin falë një aksioni fantastik që finalizohet nga sulmuesi i Swansea-t në Championship, Celina.
Në fund të takimit, ishte Hojbjerg i Southampton ai që barazoi gjithçka në kohën shtesë duke shpëtuar ekipin e tij nga humbja.
Një ndeshje e cila mund të ishte fituar, por barazimi ndaj një kundërshtari të fortë si danezët nuk është kurrsesi një rezultat i keq.
