Një përplasje ka ndodhurë mes disa tifozëve shqiptar dhe atyre serb në ndeshjen e Kategorisë së tretë në Australi, midis White Eagles dhe North Sunshine.
Mësohet se tifozë të dyja grupimeve u përplasën së bashku, pasi shqiptarët kanë brohoritur “Kosova është Shqipëri” dhe më pas ata janë sulmuar nga disa serbë.
Nga kjo përleshje, është plagosur rëndë një tifoz serb, teksa ka pasur disa të lënduar lehtë dhe janë shkaktuar dëme të konsiderueshme materiale në makinat në parkingun e klubit.
Situata u qetësua falë ndërhyrjes së policisë australiane dhe tashmë pritet një reagim nga Federata e Futbollit të Australisë.
