”Kujt i duhet?”/ Rama lexon numrin e kartës së identitetit në Elbasan

Kryeministri Edi Rama zhvilloi takimin e rradhës me strukturat e Partisë Socialiste në Elbasan, në kuadër të fushatës elektorale për zgjedhjet e 25 prillit.

Gjatë fjalës së tij në stadiumin ”Elbasan Arena”, Rama foli për çështjen e patronazhistëve, ku nuk ngurroi të japë numrin e tij të kartës së identitetit para të gjithë qytetarëve.

Ai u shpreh se këto numra nuk i hyjnë në punë askujt, ndaj qytetarët nuk duhet të shqetësohën.

Kreu i qeverisë komentoi edhe reagimin e Presidentit të Republikës, Ilir Meta, ku tha se nuk i duhet numri i tij i ID, pasi di shumë gjëra për të.

Edi Rama: ”Sot kam marrë kartën e identitetit me vete. Merreni numrim tim. Ja mbanishënim të dhënat. Rama, Edi. G40704039G. Kujt i duhet ky numër, ç’i duhet? Se e dëgjuat Liken, më kanë marrë numrin, o Like po ne të dimë shumë gjëra ty, prandaj mos u shqetësoni fare. Kjo s’i duhet as dreqit.

Karta e identitetit e cila është trashëguar nga një kohë tjetër, sot nuk është ende karta e identitetit që duhet të jetë sepse do të ishte problem nëse karta e identitetit tonë nuk do ishte thjesht një dokument identifikimi, por do kishte brenda të dhëna të tjera konfidenciale sic kanë ID e tjera në shumë vende, si sigurimet shoqërore, kartela shëndetësore, etj.

Kjo është si me të marrë targën e makinës Kjo është si me të marrë numrin 12. Merreni numrin 12, sepse 12-a është numri i të gjithë shqiptarëve. Është numri i mandatit tonë të tretë. Më e bukura është se patronazhistët nuk punojnë me numrin e kartës së identitetit dhe të gjithë ajo.”