Përpos takimit me kryeministrin Rama, presidenti Hashim Thaçi është takuar edhe me Ilir Metën. Takimi ka nisur me një përshëndetje ndryshe nga më parë, kjo për shkak të situatës nga pandemia.
Thaçi ka komentuar takimin e tij me homologun shqiptar Ilir Meta, duke zbuluar çështjet që u diskutuan. Takimi mes dy palëve ka qenë për rikthimin në normalitet të jetës së dy vendeve dhe rimëkëmbëja e ekonomisë. Në fund e mbyll me mesazhin se Shqipëria dhe Kosova janë gjithmonë krahë njëra- tjetrës, dhe të pandara duhet ta vazhdojnë rrugën e integrimit euroatlantik.
Statusi
Me Presidentin e Shqipërisë, Ilir Metën, sot bisedova për rikthimin në normalitet të plotë të jetës së qytetarëve të dy shteteve tona. Sa më shpejt që dy qeveritë e rifillojnë bashkëpunimin, aq më shpejt do t’i rimëkëmbim edhe ekonomitë e vendeve tona.
Ne biseduam edhe për rëndësinë rifillimit të dialogut me Serbinë, i cili presim t’i përmbyllë të gjitha çështjet e hapura me Serbinë dhe të sjellë njohje reciproke ndërshtetërore.
Kosova dhe Shqipëria kanë qenë gjithmonë në krahë të njëra-tjetrës dhe si të pandara duhet ta vazhdojnë rrugën e integrimit euroatlantik! HTH (Foto: Zyra e Presidentit të Shqipërisë)
