Duke iu referuar raportit të Departamentit Amerikan të Shtetit për Shqipërinë, analisti Arjan Curri tha se korrupsioni në Shqipëri është në të gjitha nivelet dhe nuk ka ngjyra. I ftuar në emisionin ‘Studio e Hapur’ të gazetares Eni Vasili në News24 Curri deklaroi se pastrimin nga korrupsioni nuk e bën qeveria, por sistemi i drejtësisë.
“Pastrimin nga korrupsioni nuk e bën qeveria, e bën sistemi drejtësisë. Ajo që mendoj unë është që korrupsioni nuk ka ngjyrë. Njerëzit e mëdhenj janë gjithmonë të këqij edhe nëse ushtrojnë influencë dhe jo pushtet. Korrupsioni është në të gjitha nivelet. A ka sistemi në dorë ta pastrojë veten?
Është situata e njëjtë sepse janë të njëjtët njerëz që i lënë vend njëri-tjetrit. Korrupsioni nuk ka ngjyrë dhe situatën e ke njëlloj në çdo qelizë të shoqërisë shqiptare”- tha Curri.
