Studiuesit në Universitetin e Queensland (UQ) shprehen se janë vetëm disa ditë larg, nga testimi i një vaksine të re te kafshët për koronavirusin.
Kreu i Shkollës së Universitetit të Kimisë dhe Biokencave Molekulare, Paul Young tha se një ekip prej 20 shkencëtarësh po punojnë që ta përshpejtojnë procesin e ndërtimit të vaksinës që nga shpërthimi i virusit.
Studiuesit nga ky universitet u financuan nga një organizatë ndërkombëtare e quajtur “Koalicioni i Inovacionit të Përgatitjes Epidemike” (CEPI) për të përdorur teknologjinë e re të zhvillimit të shpejtë mjekësor për të ndihmuar në krijimin e një vaksine.
Kjo i ndihmoi këta shkencëtarë që të bënin zbulimin e madh, duke bërë të mundur ndërtimin nga e para të sëmundjes në kushtet laboratorike. Ekipi UQ është pjesë e një gare nga laboratorët në të gjithë botën për të zhvilluar një vaksinë.
