Kroacia njofton se personi i parë i prekur nga koronavirusi në vend është shëruar.
Ministri kroat i Shëndetësisë bëri me dije se pas analizave që ka bërë ditën e sotme, i riu që u prek më 26 shkurt ka dalë negativ.
Sipas tij, ai ka dalë negativ në dy teste të njëpasnjëshme për koronavirus dhe tani është në kujdes shtëpiak.
Ndërkohë mësohet se pesë raste të reja janë konfirmuar me koronavirus në Kroaci. Sipas autoriteteve, të gjitha rastet e reja kanë pasur kontakt me të infektuarit e mëparshëm. Deri më tani, në Kroaci janë raportuar 24 persona të infektuar nga koronavirusi.
Bilanci global i të prekurve nga koronavirusi ka shkuar në rreth 140 mijë persona, ndërsa janë shënuar më shumë se 5,100 viktima.
