Ambasadorja e SHBA-së në Tiranë, Yuri Kim ka bërë me dije se Amerika do t’i vijë në ndihmë Shqipërisë në lidhje me situatën e krijuar nga koronavirusi.
Përmes një postimi në Twitter, Kim njofton se SHBA-të kanë premtuar 100 milionë dollarë ndihmë për vendin tonë.
“SHBA kanë premtuar deri në 100 milionë dollarë për të ndihmuar Shqipërinë si një shtet mik dhe të tjerët, të cilët janë prekur nga koronavirusi.
Kjo bazohet në një ndihmë më të gjerë që ka ndihmuar në ndërtimin e kapaciteteve dhe forcimin e infrastrukturës. Ne do ta kapërcejmë këtë bashkë si gjithmonë. Jemi ende me Shqipërinë!”, shkruan ambasadorja Kim.
US has pledged up to $100 million to help friends like #Albania & others combat #COVID19. This builds on broader assistance that has helped build capacity & strengthen infrastructure. We will get through this together – as always. Jemi ende me Shqipërinë! https://t.co/6uzfirs9Fk
— Ambassador Yuri Kim (@USAmbAlbania) March 20, 2020
Koronavirusi ka izoluar gjithë botën, teksa harta e të infektuarve vijon të zgjerohet nga dita ditës. Mbi 10 mijë viktima janë shënuar deri më tani nga koronavirusi në rang global. Teksa janë konfirmuar më shumë se 256 mijë raste, prej të cilëve janë shëruar rreth 90 mijë pacientë.
