Pandemia e koronavirusit e ka futur Mbretërinë e Bashkuar në një krizë totale. Përveç numrit të lartë të viktimave dhe të rasteve të reja, MB po përballet edhe me vështirësi të mëdha ekonomike.
Rel raporton se numri i britanikëve që pretendojnë se kanë humbur punën dhe kanë kërkuar përfitime nga shteti, ka arritur në nivelin më të lartë në 24 vitet e fundit.
Por kjo nuk është e gjitha pasi në muajt vijues, pritet që koronavirusi të dëmtojë edhe më shumë biznese.
Numri i të papunëve është rritur për 856,500 – njëherësh rritja më e madhe brenda një muaji – në 2.1 milionë, apo një rritje prej 69 për qind në krahasim me të dhënat e muajit mars.
Kjo shifër është krahasuar me ato të papunësisë më 1996, kur ekonomia e Britanisë ka qenë duke dalë nga kriza e një recesioni të thellë, të shkaktuar nga dështimi për të qëndruar në Mekanizmin Evropian për Shkëmbim të Ratave.
Me 35,341 viktima të shënuara nga COVID-19, Mbretëria e Bashkuar mban rekordin në Evropë për numrin më të lartë të vdekjeve nga ky virus.
MB renditet e pesta në botë me numrin më të lartë të personave të infektuar nga koronavirusi (248,818 raste), pas SHBA-ve, Spanjës, Rusisë dhe Brazilit.
