Kryeministri Edi Rama ka shpërndarë sot një video të ish-kapitenit të kombëtares, Lorik Cana.
Në videon në fjalë, Cana iu bën apel qytetarëve që të tregohen më të kujdesshëm dhe t’i respektojnë masat e njoftuara për të luftuar koronavirusin.
Ndërkohë krahas videos Rama shkruan se duhet të ruhemi edhe nga “INFODEMIA”, pra nga lajmet që sipas tij krijojnë konfuzion dhe pasiguri tek qytetarët.
Postimi i plotë:
Mesazh i kapitenit legjendar të kuqezinjve, Lorik Cana
FRIKË JO, KUJDES PO!
DHE JU LUTEM:
Të ruajmë veten dhe njëri-tjetrin duke kufizuar sa më shumë kontaktet fizike! Të lajmë duart sa më shpesh për jo më pak se 20 sekonda! Të kufizojmë daljet dhe uljet nëpër kafene e restorante, vajtjet në palestra, disko e në mjedise të mbyllura me kontakte të shumta! Të mbrohemi me maskën e arsyes nga INFODEMIA – lajmet, kronikat, komentet, debatet që krijojnë konfuzion, pasiguri, shkurajim!
