Përhapja e koronavirusit me një shpejtësi të frikshme ka bërë që autoritetet kineze të marrin masa nga më drastiket.
Së fundmi një video tronditëse po qarkullon në rrjetet sociale, ku shihen policët kinezë duke mbyllur personat e dyshuar si mbartës të koronavirusit, brenda shtëpisë së tyre. Policët shihen teksa mbyllin me zinxhirë dyert e një shtëpie dhe më pas i vendosin edhe një dry.
Ndërkohë mediat kineze shkruajnë se kjo masë pranohet nga vetë banorët, të cilët janë të gatshëm të mbyllen në shtëpitë e tyre nëse diagnostifikohen me koronavirusin.
Ata mund të qëndrojnë të mbyllur deri në një periudhë kohe prej 2 javësh. Përpara se t’i mbyllin brenda në shtëpi, oficerët sigurohen që njerëzit të kenë një sasi të mjaftueshme orizi dhe perimesh.
