Teksa ditët kalojnë numri i viktimave në Kinë për shkak të koronavirusit po rritet me ritme të frikshme. Autoritetet kineze raportojnë se numri i viktima ditën e sotme ka arritur në 630 dhe janë konfirmuar mbi 31 mijë persona të prekur në total.
Përhapja e shpejtë dhe koha e shkurtër e inkubacionit ka vënë autoritetet në alert, pasi të gjithë të prekurit nga virusit janë të rrezikuar në rast se nuk arrihet në kohë të prodhohet një vaksinë që të frenojë virusin misterioz kinez.
Dje, u diagnostifikuan edhe dy bebe të prekura nga koronavirus raporton CNN. Foshnja më e vogël u diagnostikua pas 30 orëve që kishte ardhur në jetë. Deri tani, rreth 70 vetë në ditë po humbin jetën për shkak të virusit. Sakaq, çdo ditë në Kinë numri i të infektuarve shtohet me mbi 3 mijë persona.
Përgatitja e një vaksine kërkon kohë, sipas autoriteteve mund të zgjasë disa muaj deri sa të jetë gati vaksina.
