Shëndeti

Koronavirusi/ Pipero: Është shumë e këshillueshme mbajtja e higjienës


               Publikuar në : 22:37 - 27/01/20 M D

Infeksionisti Pëllumb Pipero mbrëmjen e sotme ishte i ftuar në emisionin “Real Story” në “News 24”, prej ku theksoi se personat me imunitet të ulët dhe ata mbi 60 vjeç janë më të rrezikuarit nga virusi misterioz që po qarkullon së fundmi.

Pipero pohoi se është shumë e këshillueshme mbajtja e higjienës, si larja e duarve me sapun, me qëllim që të parandalohet çdo lloj infeksioni i mundshëm.

“Virusi mund të bjerë në persona me imunitet të ulët dhe në moshë mbi 60 vjeç. Pra njerëzit që kanë një sëmundje, kanë më shumë gjasa që të preken. Mirëpo evidencë për koronovirus nuk ka. Ky virus ka vdekshmëri të ulët. Sa i përket koronavirusit, më i lehtë është parandalimi.

Duhen larë duart me ujë dhe sapun, që të kemi sa më pak probleme. Higjiena është shumë e rëndësishme. Nuk ka ende mjekim për koronavirusin. Në këtë rast vlen shprehja ‘parandalimi është më i mirë sesa kurimi’”, tha Pipero.


Kthehu
WhatsApp Denonco ne TT