Duke filluar nga dita e nesërme do të mbyllen të gjithë kufijtë tokësorë për në Shqipëri.
Lajmin e mësipërm e ka dhënë vetë kryeministri Edi Rama përmes një postimi në rrjetin social Facebook.
Ai bën me dije se prej ditës së nesërme të gjitha hyrjet tokësore në Shqipëri nga Mali i Zi, Kosova, Maqedonia e Veriut dhe Greqia do të mbyllen për të gjithë udhëtarët me autobus, mikrobus dhe veturë.
Kreu i qeverisë njofton se kufiri do të qëndrojë i hapur vetëm për transportin e mallrave.
Postimi i Ramës: “Nga nesër, e dielë 15 mars në mesnatë, ora 00.00, të gjitha hyrjet tokësore në Shqipëri nga Mali i Zi, Kosova, Maqedonia e Veriut dhe Greqia, do të mbyllen për të gjithë udhëtarët me autobus, mikrobuz apo veturë!
? Kufiri tokësor i Shqipërisë do të qëndrojë kudo i hapur vetëm për transportin e mallrave
? Frikë aspak, kujdes po!”
