Ditët e fundit ka pasur një rritje të ndjeshme të rasteve të reja me COVID-19 në Shqipëri.
Ky fenomen është parë me shqetësim edhe nga përfaqësuesja e OBSH-së në vendin tonë, Bettina Menne.
Ajo ka bërë një paralajmërim të fortë teksa apeloi që të respektohen masat nga qytetarët ose përndryshe vendi do të mbyllet sërish.
“Epidemia nuk ka mbaruar dhe ajo që ne shohim është rritje e rasteve, që do të thotë se të afërmit tuaj mund të infektohen.
Ne rekomandojmë që i gjithë stafi që punon në spital dhe mund të ketë kontakt me persona të infektuar, duhet të vendosë maskë, dhe po ashtu në transport publik si dhe në bare e restorante që nuk ka 1.5 metër distancë fizike, përndryshe do ju duhet ta mbyllni edhe njëherë vendin.
Por a e imagjinoni dot?
Vendi duhet të zhvillohet, ekonomia po ashtu, është përgjegjësi sociale e të gjithëve. Autoritetet dhe kompanitë të shmagin infektimin që të mos bëhet më mbyllje dhe marrje masash strikte dhe njëherë.
Duhet të bëhet shumë kujdes në transportin publik, në respektimin e rregullave.
E di që hapja e tij është një lajm i mrekullueshëm, por kjo do të varet nga çdo qytetar që do të përdorë transportin publik, por edhe nga kompanitë që kanë autobusët, pasi duhet të bëjnë dezinfektimin”, u shpreh Menne për “Tv Klan”.
