Gjatë pandemisë lulëzuan blerjet online. Bizneset mundën që të qarkullonin produktet e tyre, e shumë të tjera kapitulluan. Marka më e famshme e rrobave “Zara”, do të mbyllë 1200 dyqane në të gjithë botën. Kjo është parë si alternativë më e mirë për të shtuar shitjet online, dhe për tu fuqizuar njëkohësisht në këtë kohë koronavirusi. Kompania ka thënë se nuk do ketë shkurtim të punonjësve, pasi do t’i përdorë për porositë dhe dërgesat online.
Kompania Inditex, pronare e markës së rrobave Zara, do të mbyllë 1200 dyqane në të gjithë botën, duke qënë se po rrisin shitjet online.
Kompania spanjolle ka edhe marka të tjera në pronësi si Bershka, Pull & Bear dhe Massimo Dutti.
Mbylljet do të jenë më shumë në Azi dhe në Evropë. Ndërsa 107 dyqanet në Britani, nuk do të preken.
