Prej rreth një muaji, koronavirusi ka mbërritur edhe në Shqipëri, duke shkaktuar deri më tani 24 viktima.
Mjeku i njohur Pëllumb Pipero, së fundmi foli për situatën e krijuar në vend nga COVID-19, teksa theksoi se këtë javë numrat e të prekurve do vijnë duke u ulur.
Mirëpo, siç tha Pipero, është herët për festë!
Në një lidhje direkte me “News 24”, mjeku infeksionist pohoi se kjo është koha kur duhet të jemi të përgjegjshëm.
Më tej, ai tha se është dakord që masat kufizuese të lëvizjes të zbuteshin disi.
“Unë kam qenë partizan i fillimit të lehtësimit të masave me pikatore, i japin gjallëri ekonomisë dhe ulin panikun.
Efekti psikologjik i motivon qytetarët, tregon që nëse zbatohen masat, mundësia për të dalë është më e afërt, por nga ana tjetër duhet të ndërtohet monitorimi i situatës, të ketë shtim të testeve, të mos kufizohemi vetëm te rastet e kontaktit, të bëhen teste të shpejta në qendra të mëdha punësimi apo ndërmarrje, analiza seriologjike”, vijoi Pipero.
