Numri i viktimave si pasojë e koronavirusit në Kosovë ka shkuar në 10.
Së fundmi është raportuar se një grua 73-vjeçare nga Peja ka ndërruar jetë në Klinikën Infektive në Prishtinë.
Ajo ishte diagnostikuar me koronavirus dhe ishte duke u trajtuar nga data 25 mars në këtë Klinikë.
Ministria e Shëndetësisë njofton se M.B, krahas koronavirusit ka pasur edhe sëmundje të tjera shoqëruese.
“Klinika Infektive njofton se pacientja M.B. e lindur më 1947, nga komuna e Pejës, e cila ishte e hospitalizuar në Klinikën Infektive në Departamentin e Mjekimit Infektiv, e diagnostikuar me Covid-19 dhe e cila është trajtuar nga data 25 mars deri më 16 prill 2020, ka ndërruar sot jetë në këtë klinikë”, thuhet në njoftimin e Ministrisë së Shëndetësisë.
Deri më tani, Kosova ka 423 raste të konfirmuara me COVID-19.
