433 persona kanë ndërruar jetë në Itali në 24 orët e fundit, si pasojë e koronavirusit.
Autoritetet zyrtare raportojnë se në total numri i viktimave ka shkuar në 23.660.
Ditën e djeshme bilanci i të vdekurve në 24 orë ishte 482.
Që nga 12 Prilli, nuk ishte regjistruar asnjë rënie në të tilla nivele, sikurse bën me dije raporti i mbrojtjes civile.
Po ashtu është ulur edhe numri i infektimeve të reja, ku u regjistruan 3047 persona të prekur, ndërsa në total janë 178.972 persona të infektuar që nga fillimi i pandemisë.
Në terapi intensive, sot ishin 98 të sëmurë më pak, ndërsa 2.635 mbeten të shtruar në spital.
