Është mbledhur sot Ministreli i Ministrave të Mbrojtjes të 30 vendeve anëtare të NATO në lidhje me situatën e krijuar nga koronavirusi.
Kjo ishte hera e parë në historinë e tij që kjo mbledhje është zhvilluar online. E pranishme në mbledhje ishte edhe ministrja shqiptare e Mbrojtjes, Olta Xhaçka.
Pas përfundimit të mbledhjes ka ardhur një reagim edhe nga ministrja Xhaçka, e cila ka thënë se kjo pandemi është kërcënim dhe sfidë serioze për sigurinë e Aleancës.
“Solidaritet me të gjithë aleatët për humbjet në njerëz si rezultat i pandemisë. Mirënjohje për “ushtrinë e bardhë” të angazhuar në vijën e parë kundër armikut të padukshëm. Pandemia gjeti të papërgatitur edhe vendet me ekonomi më të mëdha se Shqipëria. Krenare për kontributin e jashtëzakonshëm të Forcave të Armatosura. Ekspertiza dhe disiplina e FA rol në përballimin e pandemisë. Unitet politik dhe solidaritet, mesazhi që Aleanca duhet të tregojë tani.
Koha për të reflektuar se çfarë duhet bërë më mirë. Të rigjenerojmë diplomacinë publike kundër fushatës dezinformuese dhe lajmeve të rreme. Me solidaritet do ia dalim të përballojmë sfidat e ashpra, pasojë e pandemisë. Ndihma përmes Qendrës Koordinuese Euro-Atlantike për Reagimin ndaj Fatkeqësive, instrumenti i duhur. Kemi aftësinë, burimet dhe motivim për të bashkuar forcat”, mësohet të ketë thënë Xhaçka në mbledhje.
