Ministrja e Shëndetësisë dhe Mbrojtjes Sociale, Ogerta Manastirliu ka firmosur një urdhër të dytë në lidhje me institucionet arsimore në vend.
Pas rekomandimit të Komitetit të Ekspertëve, Manastirliu ka vendosur që këto institucione publike apo jo publike të qëndrojnë të mbyllura deri më datë 3 prill.
Kujtojmë se institucionet arsimore fillimisht u vendosën që të mbylleshin deri më datë 23 mars, por gjendja e krijuar nga koronavirusi ka çuar në një tjetër shtyrje të këtij afati.
Njoftimi i plotë:
Pas vendimit të Komitetit të Ekspertëve dhe në vijim të përforcimit të masave për parandalimin e përhapjes se COVID-19, Manastirliu ka firmosur një urdhër të dytë për mbylljen e veprimtarisë së institucioneve arsimore publike dhe jo publike dhe çerdheve deri në datën 03.04.2020.
“Kemi vendosur mbylljen e institucioneve arsimore duke filluar nga kopshtet por edhe të çerdheve publike dhe jo publike deri në 3 Prill”, u shpreh Manastirliu.
