Ministri i Brendshëm Sandër Lleshaj ka publikuar në rrjetin social Facebook një foto e cila është bërë virale, që lidhet me koronavirusin.
Krah fotos, Lleshaj i mëshon faktit se Policia nuk do të tolerojë askënd dhe për asnjë arsye.
Ai rikujton masën e ndërmarrë nga qeveria se deri të hënën në orën 05:00 qytetarët duhet të qëndrojnë në shtëpitë e tyre, si një formë kjo për të parandaluar përhapjen e COVID-19 në Shqipëri.
Reagimi i plotë i Lleshajt: “Edhe një person i vetëm mund ta ndërpresë vargun fatal të infektimit. Pikërisht për këtë, Policia nuk do të tolerojë ASKËND dhe për ASNJË arsye.
I vetmi vend për shqiptarët deri të hënën në orën 05:00 është ose në shtëpi, ose në shërbim”.
