Mjekët paralajmërojnë se fëmijët e vegjël nuk janë edhe aq “të paprekshëm” nga koronavirusi.
Ekspertët sqarojnë se edhe pse të moshuarit janë mosha më e rrezikuar, infeksioni ngjitës mund të përhapet edhe midis fëmijëve dhe të rinjve.
Sipas tyre, virusi mund të shkaktojë simptoma të pazakonta tek fëmijët, si: dhimbjet në stomak, kollë e thatë ose ethe.
Referuar situatës në Kinë, e cila është cilësuar dhe si vendi i origjinës i virusit korona, raportet zbulojnë se një nga dhjetë pacientë ishin nën moshën 30 vjeçare.
Zyrtarët e Organizatës Botërore të Shëndetit kanë thënë që të rinjtë nuk janë të pa rrezikuar, madje shtojnë se mund të përfundojnë në spitale për javë të tëra.
Kujtojmë se pak kohë më parë në Britani ndërroi jetë një 18-vjeçar për shkak të koronavirusit, duke e bërë viktimën me moshë më të re në këtë vend.
Edhe në SHBA është zbuluar rasti i një 12-vjecari, i cili po luftonte për jetën dhe po mbahej në jetë me ndihmën e ventilatorëve, pasi rezultoi pozitiv me COVID-19.
Ekspertët këshillojnë që të rinjtë të mbajnë një dinstancim social nga njëri-tjetri dhe të izolohen nëpër shtëpitë e tyre.
Ata paralajmërojnë se të rinjtë mund të jenë mbartës të sëmundjes edhe pa shfaqur shenja.
Në një konferencë për shtyp, më datë 20 mars, Drejtori i Përgjithshëm i Organizatës Botërore të Shëndetit, Tedros Adhanom Ghebreyesus tha:
“Sot kam një mesazh për të rinjtë: Ju nuk jeni të pathyeshëm, ky virus mund t’iu fusë për javë të tëra në spital, ose më keq akoma t’iu vrasë. Edhe nëse nuk sëmureni vendet që ju frekuentoni mund të jetë ndryshimi midis jetës dhe vdekjes për dikë tjetër”, deklaroi ai.
