Situata me numrin e të infektuarve dhe të viktimave sa vjen e përmirësohet. Prej javësh rastet e reja janë ulur ndjeshëm, bashkë me numrin e të shtruarve në spital. Sikundër njoftoi dje kryeministrri Rama dhe ministrja Manastirliu, pritet që të mblidhet sot Komiteti Teknik i Ekspertëve, për të folur mbi vendimin që është marrë në lidhje me masat anti-covid.
Vetë kryeministri Edi Rama dhe Ministrja e Shëndetësisë Ogerta Manastirliu, thanë një ditë më parë se sot Komiteti Teknik do të lajmërojë një lehtësim masash. Sipas kreut të Qeverisë, Komiteti Teknik do të prezantojë një plan të ri, duke qenë se jemi futur në sezonin turistik dhe lehtësimi i masave do të sjellë një shtim turistësh.
Deri më tani ajo që kufizon qytetarët është ora policore, nga ora 22:00-06:00, e cila përfshin mbylljen e bareve, restoranteve dhe çdo biznesi në orën 22:00, si dhe mbajtja e maskave në ambiente publike. Nuk dihet cila nga këto masa do të lëhtësohet.
