Zv.kryeministri, Erion Braçe ka dhënë më shumë detaje për 31-vjeçarin, i cili u bë pacienti i gjashtë i prekur nga koronavirusi në Shqipëri.
Përmes një postimi në Instagram, Braçe thotë se ai ka qenë vetëm disa orë në Milano për të vizituar dajën e sëmurë.
“I infektuari i 6-të është një djalë i ri që ka shkuar veç për disa orë në Milano, “për të parë dajën e shtruar në spital atje”! Veç kaq pak është dashur”, shkruan ai.
Braçe iu bën apel shqiptarëve që kanë qenë 2 javët e fundit në Itali të vetëkarantinohen.
Postimi i plotë:
Njerez nese keni qene ne itali dy javet e fundit rrini ne shtepi! Mos dilni! Mos shkoni ne kafe a restorante! Infektoni te tjere keshtu! Ky virus shfrytezon fort menyren tone te jeteses; E dime mire, ne jemi popull shume social, “behemi shume” me njeri tjetrin!
I infektuari i 6-te eshte nje djale i ri qe ka shkuar vec per disa ore ne Milano, “per te pare dajen e shtruar ne spital atje”! Vec kaq pak eshte dashur! Pastaj dashuria e madhe per njeri tjetrin ketu e perhap me qef virusin! Ndaj, nëse ke qenë në Itali, vetekarantinohu! ri ne shtepine tënde! Shpëton veten dhe gjithkënd që do!Bëje tani!
https://www.instagram.com/p/B9imPKzHacD/?utm_source=ig_web_copy_link
