Italia nuk duket të shohë një ditë të bardhë në gjithë këto javë, që nga shpërthimi i koronavirusit.
Mediat italiane kanë publikuar bilancin për 24 orët e fundit, ku raportohet se 760 persona kanë humbur jetën brenda ditës.
Kështu numri total i viktimave ka shkuar në 13,915. Gjithsej janë regjistruar 115,242 raste infektimi në Itali, teksa 4,668 raste janë shënuar vetëm në 24 orët e fundit.
83,409 raste janë ende aktive në shtetin fqinj. Numri i të shëruarve ka shkuar në 18,278 ndërsa më shumë se 4 mijë persona ndodhen në gjendje kritike për jetën.
Italia mban vendin e parë si shteti që ka regjistruar numrin më të madh të vdekjeve nga COVID-19. Vendin e dytë e mban Spanja, e cila vetëm në 24 orët e fundit regjistroi 950 viktima.
Ndërsa numri i të vdekurve në të gjithë botën ka shkuar në 50,253.
