Koronavirusi nuk ka kursyer edhe pelegrinazhin 13 javor të besimtarëve katolikë tek kisha e Shna Ndout në Laç. Rregullat e vendosura nga shteti shqiptar, duhet të zbatohen rreptësisht, për të mos shpëndarë edhe më tej koronavirusin.
Masat e ndërmarra detyrojnë besimtarët që të mos ndërmarrin rrugën për në vendin e shenjtë, ndërsa duhet të qëndrojnë të izoluar në shtëpi. Sot përkon me nisjen e pelegrinazhit 13 javor tek kisha e Shna Ndout në Laç.
Ky vend i shenjtë është i boshatisur, pasi dhe Bashkia Kurbin dhe përfaqësuesit e kishës u kanë bërë thirrje qytetarëve që të zbatojnë rregullat, për tu mbrojtur nga koronavirusi.
Njoftimi
Ju njoftojm qe neser eshte e Marta e par e 13-te te marteve te Shna Nojt.
Masat për frenimin e koronavirusit i cili tanimë është shpallur zyrtarisht nga OBSH si pandemi, kanë prekur edhe Kishën Katolike.
Përmes një dekreti, ipeshkvinjtë e Kishës Katolike në Shqipëri, kanë vendosur të pezullojnë të gjitha aktivitetet dioqezane dhe aktivitetet famulltare.
“Fort të dashur meshtarë, rregulltarë dhe rregulltare, besimtarë. Duke vlerësuar situatën e ditëve të fundit e krijuar nga Covid-19 në Shqipëri, duke pasur parasysh urdhëresën nr. 132, datë 08.03.2020, të Ministrisë së Shëndetësisë dhe të Mbrojtjes Sociale, po ashtu Letrën e Konferencës Ipeshkvore të datës 29 shkurt 2020, duke vlerësuar përvojën e kishave simotra në vende të tjera, pas konsultimit me specialistë të fushës e duke i thirrur sensit të përgjegjësisë si Ipeshkëvinj të Kishës Katolike në Shqipëri:
Dekretojmë
Pezullimin e të gjithë aktiviteteve dioqezane dhe famullitare në Kishën Katolike në Shqipëri në të cilat parashikohet pjesmarrja dhe grumbullimi i popullit deri me datë 3 prill 2020”– thuhet në njoftim.
Zoti ju ndimofte Amen!
