Bëhet me dije se janë katër të burgosur të tjerë të cilët dyshohen të jenë prekur nga koronavirusi në Shqipëri.
Bëhet fjalë për një të dënuar në burgun 302 në Tiranë dhe 3 të tjerë në burgun e Fushë-Krujës. Atyre iu janë marrë mostrat gjatë ditës së sotme, ndërsa janë në pritje të të rezultatit të tyre.
Kujtojmë se më herët ditën e sotme Ministria e Shëndetësisë konfirmoi 29 raste të reja në 24 orët e fundit, ku 13 prej tyre janë identifikuar në burgun 313 në Tiranë.
Deri më tani në Shqipëri janë konfirmuar gjithsej 663 raste pozitive me koronavirus, ndërsa janë shënuar 27 viktima. Sipas Ministrisë së Shëndetësisë, 385 raste në vend janë shëruar, teksa 251 raste të tjera mbeten ende aktive.
