Koreja e Veriut ka njoftuar sot se do të marrë masa më të ashpra kundër pandemisë. Sipas mediave të huaja, qyteti Kaesong do të izolohet tërësisht, me qëllim për të parandaluar përhapjen e virusit.
Agjencia e lajmeve, KCNA, ka thënë se masat e rrepta të karantinës dhe kontrollet në disa distrikte veçse kanë nisur, ndërkohë që janë duke u siguruar testet, veshjet mbrojtëse dhe pajisjet mjekësore.
Lideri Kim Jong Un shpalli gjendjen e emergjencës më 26 korrik, pasi një dezertor verikorean që dyshohet të jetë infektuar me virus, u kthye ilegalisht nga Koreja Jugore.
Nëse ky person vërtetohet se ka virus, ky do të ishte rasti i parë i konfirmuar zyrtarisht në këtë shtet, ndonëse shumë ekspertë besojnë se virusi tashmë është i përhapur atje.
