Media shtetërore e Koresë së Veriut i ka nxitur të rinjtë e saj kundër përdorimit të zhargonit nga Koreja e Jugut dhe u ka thënë atyre të flasin gjuhën standarde të vendit të tyre.
Një ndryshim i ligjit parashikon që të ndalojë përdorimin e çdo lloj ndikimi të huaj, kryesisht nga Korea e Jugut, duke përfshirë modelin e flokëve, muzikës që dëgjojnë dhe veshjes.
Nëse shkelet ky ligj dënimet do të jenë shumë të ashpra ku njerëzit mund të përballen me burg ose dhe ekzekutim, shkruan BBC.
Ndikimi i huaj shihet si një kërcënim për regjimin komunist të Koresë së Veriut dhe për udhëheqësin suprem, Kim Jong-un i cili aktualisht është në pushtet. Kohët e fundit, janë miratuar disa ligje, të cilat synojnë që popullsia vendase të mos ndikohet nga ndikimi i huaj.
Kështu, çdo qytetar u vendit komunist që kapet duke ndjekur apo dëgjuar mediat nga Koreja e Jugut, Shtetet e Bashkuara apo Japonia tani përballet me dënimin me vdekje.
Por pavarësisht ligjit të rreptë shumë të rinj gjejnë mënyra ‘ilegale’ për të parë filma apo dëgjuar muzikë të huaj. Disa të larguar nga Koreja e Veriut kanë thënë se shikimi i dramave të Koresë së Jugut luajti një rol në vendimin e tyre për të shpëtuar.
