Katër persona janë arrestuar në flagrancë nga Policia e Korçës për armëmbajtje pa leje dhe kanabis. Bëhet fjalë për shtetasit K.G., 31 vjeç; Dh.Sh., 31 vjeç; E.L., 34 vjeç dhe M.L., 30 vjeç, banues në Korçë.
Forcat e policisë janë organizuar pas marrjes të një informacioni në vendin e quajtur “Mali i Moravës”, se disa persona po qëllojnë në ajër me armë zjarri, e ku janë konstatuar edhe 4 shtetasit e mësipërm, të cilët pasi kanë parë se drejt tyre po afroheshin shërbimet e Policisë, konkretisht shtetasi Dh.Sh., ka hedhur nga dora një armë zjarri tip pistoletë, ndërsa shtetasi K.G., një kuti me fishekë luftarak.
Gjithashtu, gjatë kontrollit që i është bërë E.L., iu gjetën në xhepin e xhupit 2 doza me lëndë të dyshuar narkotike kokainë.
Ndërkohë, ndaj shtetasit K.G., Gjykata e Shkallës së Parë Pogradec, ka vendosur masën e sigurisë “Arrest me burg” për veprën penale “Mashtrimi”.
Në cilësinë e provës materiale u sekuestruan, 1 armë zjarri tip pistoletë, 1 krehër me 3 copë fishekë, 44 copë fishekë luftarak, 2 gëzhoja dhe 2 doza lënde narkotike të dyshuar kokainë.
