Rrjetet sociale janë kthyer në burim aksidentesh, por edhe vetëvrasjesh. Mania për një video të klikueshme, ka detyruar njerëzit që të ndërmarrin nisma nga më të çuditshmet e po kështu edhe të rrezikshme. Një person është shoqëruar në rajonin e policisë në Korçë, pasi u shtir sikur e kishin vrarë dhe ishte i larë në gjak në mes të rrugës.
Në hyrje te pazarit të Korçës shihet një person i shtrirë në mes të rrugës, i mbuluar me çarçaf të bardhë me njolla gjaku, ndërsa në krahun e djathtë ka një pistoletë.
Kalimtarët e rastit kanë lajmëruar policinë, të cilët u përballën me një person që po realizonte një video për rrjetin social Tik Tok, ndërsa pistoleta që ai kishte ishte lodër.
