Pas tërmetit me magnitudë 4.7 ballë që tronditi ditën e djeshme qytetin e Korçës, tre lëkundje të tjera janë regjistruar mëngjesin e sotëm.
Njëri prej tërmeteve të rëna sot ishte me magnitudë 2.7 dhe u ndje në orën 04:09 të mëngjesit, tjetri me magnitudë 2.1 dhe u ndje në orën 04:59 të mëngjesit, 2 km në jug të Korçës, ndërsa në orën 05:20 të mëngjesit është ndjerë një tjetër lëkundje me magnitudë 2.9 të shkallës Rihter.
Lëkundjet kanë shkaktuar frikë dhe panik te qytetarët, ndërsa një pjesë e tyre e kanë kaluar natën jashtë.
Që prej 1 qershorit, qarku i Korçës u godit nga tërmete të njëpasnjëshme, ku lëkundjet e forta shkaktuan dëme materiale.
