Shefi i Laboratorit të mikrobiologjisë, Andi Koraqi, në një intervistë për ‘Report Tv’, tha se vënia e maskës lidhet me hapjen e aktiviteteve ekonomike. Në kohën kur distanca nuk zbatohet, është parë e udhës për mbajtjen e maskave edhe në rrugë. Ai u shpreh se mbajtja e maskës është një domosdoshmëri, duke bllokuar përhapjen e virusit.
“U vu tani se në këtë moment, është e domosdoshme, ku të gjitha aktivitetet kanë filluar dhe punët janë hapur. Janë hapur shkollat dhe është e pashmangshme grumbullimi në ambientet e jashtme, duke mos respektuar hapësirën. Kjo ndodh në hyrje të shkollave, në stacionet e autobusëve, para dyerve të ndërmarrjeve dhe shumë ambiente të tjera.
Duke qene e pamundur të bëhet një diferencim të këtyre ambienteve për përdorimin e maskave, u morr vendimi që to të jenë të detyrueshme në ambientet e jashtme dhe të brendshme”, tha Koraqi.
Referuar debatit për mbajtjen e dorezave, Koraqi tha se ato nuk duhen mbajtur, pasi janë faktor i përhapjes së COVID-19 dhe është kundër tyre.
