Pas bojkotimit të punës nga kontrollorët dhe kaosit që ka përfshirë trafikun ajror shqiptar, AlbControl ka kërkuar ndihmë nga partnerët strategjikë për zhbllokimin e situatës së krijuar në aeroportin e Rinasit.
Sipas “BalkanWeb”, autoritetet shqiptare kanë bërë kërkesë për kontrollorë ajrorë nga vende të tjera, dhe shumë gjasa personat e larguar nga detyra mund të zëvendësohen nga punonjës turq.
Pas shoqërimit të 28 kontrollorëve nga policia vetem për tre prej tyre është firmosur urdhër ndalimi.
Oficerët e policisë ndaluan me iniciativën e tyre kontrollorët Armando Fezga, kryetar i sindikatës, Flora Ndreca, përgjegjëse e turnit dhe Muhin Mezini me detyrë mbikëqyrës i kontrollorëve të trafikut ajror.
Sipas procesverbaleve të mbajtura nga punonjësit e policisë, kontrollorët dyshohen për akuzën e shpërdorimit të detyrës, pasi bojkotuan punën duke pezulluar fluturimet në aeroportin e Rinasit.
