Një person është arrestuar mbrëmjen e sotme në fshatin Përparim, gjatë kontrollove të policisë për vrasjen e Bujar Çelës. I arrestuari është kapur me armë tip pistoletë pa leje.
Ndërkohë, sa i përket çështjes së Çelës, grupi hetimor ka sekuestruar disa kamera në aksin Elbasan-Broshkë, me qëllim dokumentimin e vrasjes së 50-vjeçarit.
Bëhet me dije se policia ka ngritur tre pika kontrolli të asistuara nga FNSH: një në afërsi të vendit ku u ekzekutua 50-vjeçari, një në hyrje të Peqinit dhe një në fshatin Sinaballaj të Rrogozhinës.
Bujar Çela u ekzekutua pak ditë më parë teksa po pinte kafe në një lokal në zonën e Bradasheshit.
