Antonia Gjoka ka vendosur të largohet nga “Për’puthen” për një periudhë nga programi, për arsye shëndetësore. Me anë të një postimi në Instastory, ajo thotë se largimi i saj vjen edhe për shkak të dyshimeve që ka produksioni ndaj saj. Sipas saj, produksioni e akuzon për papërgjegjshmëri, dhe se nëse do të ketë një rikthim, ajo do të njoftojë sërish me anë të rrjeteve sociale.
“Përshëndetje miq. Për disa kohë nuk do të jem në program, arsyet nga ana ime janë shëndetësore, por nga ana e produksionit janë papërgjegjshmëria dhe dyshimet e tyre që kanë lidhje me mua si konkurrente. Nëse do të ketë një rikthim do t’ju njoftoj sërish. Jeni më të mirët”, shkruan Antonia.
Kujtojmë se Antonias i erdhën dhuratë anonim lule në emision, dhe kjo ngriti dyshime te konkurrentët se mos ajo ka një lidhje jashtë.
Për këtë ajo ka pasur dhe akuza të forta të bëra nga Meliku, i cili tregoi biseda kërcënuese që ia kishte dërguar dikush në lidhje me Antonian. Ai e akuzoi Antonian për lidhje jashtë dhe kjo e fundit shpërtheu dhe doli nga studio.
