Çdo puntatë në “Hell’s Kitchen” ofron surpriza. Por kësaj here duket se është kaluar çdo limit. Sikundër dëgjohet edhe në videon e shkurtër, një nga konkurentët, Ledjoni, është nxehur keq dhe ka kapur shef Renaton.
Këtë e bën të ditur vetë Renato Mekolli me një postim në Instagram, duke i lënë ndjekësit kuriozë se çfarë ka ndodhur më tej. Në video, Ledjoni shfaqet duke bërtitur me nerva “Hajde këtu ore”.
Bashkëngjitur videos, shefi i kuzhinës ka shkruar: “Hell’s Kitchen Albania 2. Në këtë puntatë kalohet limiti i çdo puntate që keni parë deri më tani. Të kapësh chef-in dhe… Të Premten ora 21:00 në Top channel”. Ende nuk e dimë sa e vërtetë është kjo, apo montazh, gjithsesi mbetemi në pritje se çfarë do të na ofrojë “Hell’s Kitchen”.
