Pas ministrit të Brendshëm, Sandër Lleshaj, një reagim është pëcjellë nga kryeministri Rama lidhur me situatën e krijuar sot tek “Petro Nini”, ku disa banorë u nxorën me forcë nga shtëpitë, pasi përmbaruesit kishin shkuar të shembnin banesën, tokën e të cilëve do ta merrnin ish-pronarët.
Në një shënim në twitter, Rama thotë se janë të trishtueshme pamjet nga rruga e shtëpisë ku kërkohet ekzekutimi i një vendimi gjyqi të formës së prerë. Po kështu ai nënvizon se qeveria s’ka asnjë fuqi mbi vendimet e gjykatave, dhe se policia e ka detyrim ligjor t’i përgjigjet Përmbarimit.
“Të trishtueshme pamjet nga rruga e shtëpisë ku kërkohet ekzekutimi i një vendimi gjyqi të formës së prerë. Por e trishtueshme edhe se si Kazani i përzien gjërat pa lidhje! Qeveria s’ka asnjë fuqi mbi vendimet e gjykatave, dhe policia e ka detyrim ligjor t’i përgjigjet Përmbarimit”, shkruan Rama.
