Vjen lëvizja e radhës nga ana e Greqisë lidhur me konfliktin që ka lindur me Turqinë për Mesdheun Lindor.
Mësohet se Greqia e ka dërguar çështjen për detin në Organizatën e Kombeve të Bashkuara (OKB). Ministri i Jashtëm grek, Nikos Dendias, i ka dorëzuar sekretarit të Përgjithshëm të OKB-së, Antonio Guterres, një letër të kryeministrit Kyriakos Mitsotakis mbi situatën në Mesdheun Lindor, duke i kërkuar që t’ia kalojë atë Këshillit të Sigurimit.
Kryeministri grek kërkon një përgjigje ndërkombëtare ndaj agresionit të Turqisë. Në letrën e Mitsotakis theksohet se ai pret ndërhyrjen e Kinës si një anëtar i Këshillit të Sigurimit të OKB.
“Turqia paraqet kërcënim ndaj stabilitetit në rajon, i cili është thelbësor për tregtinë ndërkombëtare”, thuhet ndër të tjera në letër.
