Policia ka përcjellë reagimin zyrtar për sherrin që ndodhi mëngjesin e sotëm në afërsi të shkollës “Andon Zako Çajupi”. Uniformat blu kanë shkuar në vendngjarje, pas marrjes së njoftimit se në rrugën “Kongresi i Manastirit”, ishin duke u konfliktuar me sende të forta 6 persona.
Në ndihmë të tyre kanë ardhur sherbimet e Patrullës së Përgjithshme dhe Forcat “Shqiponjat”, të cilët kanë bërë të mundur parandalimin e përshkallëzimit të mëtejshëm të konfliktit, dhe shoqërimin e 5 shtetasve të dyshuar si pjesëmarrës në konflikt.
Si pasojë e konfliktit janë dëmtuar lehtë disa shtetas, ku njëri prej tyre shtetasi E. K. 32 vjeç, ka shkuar në spital për ndihmë mjekësore, i dëmtuar me sende të forta.
Tiranë/Informacion paraprak
Pas marrjes së njoftimit se në rrugën “Kongresi i Manastirit” ishin duke u konfliktuar dyshohet me sende të forta 6 persona, menjeherë në vendngjarje kanë shkuar sherbimet e Policisë Rrugore, të cilat ishin në patrullim dhe kanë ndërhyrë menjeherë.
Më pas në ndihmë të tyre kanë ardhur sherbimet e Patrullës së Përgjithshme dhe Forcat “Shqiponjat” të cilët kanë bërë të mundur parandalimin e përshkallëzimit të metejshëm të konfliktit dhe shoqërimin e 5 shtetasve të dyshuar si pjesëmarrës në konflikt, për veprime të metejshme.
Si pasojë e konfliktit janë dëmtuar lehtë disa shtetas, ku njëri prej tyre shtetasi E. K. 32 vjeç, ka shkuar në spital për ndihmë mjekësore, i dëmtuar me sende të forta.
Në vendngjarje është sekuestruar një armë zjarri pistoletë, ku po kryhen veprimet përkatëse për të mësuar kujt i përket nga të shoqëruarve. Sqarojmë se nuk ka persona të lënduar nga përdorimi i armës së zjarrit.
Vijon puna nga grupi hetimor për sqarimin e rrethanave të ngjarjes dhe dokumentimin e plotë të saj.
