Komisioni i Pavarur i Kualifikimit (KPK) ka konfirmuar në detyrë prokurorin e Gjykatës së Apelit në Durrës, Ludovik Dodaj.
Trupa gjykuese e përbërë nga Suela Zhegu, Olsi Komici, Genta Tafa tha se nga hetimi i thelluar Dodaj nuk kishte pasur probleme as në kriterin e figurës dhe as në atë të profesionalizmit. Sipas KPK-së, Dodaj u gjet me mungesë burimesh financiare vetëm për vitin 2008.
Ludovik Dodaj punon si prokuror pranë Gjykatës së Apelit të Durrësit prej vitit 2002. Ai u zgjodh anëtar i Këshillit të Emërimeve në Drejtësi, përmes shortit në dhjetor të vitit 2019.
