Nuk ka më dyshime. Granit Xhaka do të largohet nga Arsenali që në merkaton e janrit.
Lajmin e konfirmoi trajneri Unai Emery, i cili u shpreh se nuk është i sigurt nëse Xhaka do vijojë me skuadrën e Arsenalit në ndeshjet në vijim.
“Kemi ndeshje të rëndësishme përpara dhe për këtë arsye na nevojitet një lojtar si Xhaka. Por nuk e di nëse do të luajë akoma me ne. Nuk e di nëse ai do të jetë i gatshëm të na ndihmojë”, tha ai.
Kujtojmë se futbollisti shqiptar u la jashtë skuadrës pas përplasjes me tifozët në ndeshjen kundër Crystal Palace. Pas këtij incidenti, Arsenali i hoqi atij shiritin e kapitenit, ndërsa mesfushori kërkoi largimin nga skuadra.
Granit Xhaka ka marrë oferta të shumta por më shumë kuota ka marrë transferimi i tij te skuadra e Milan.
