Përhapja e koronavirusit në vend çoi në marrjen e shumë masave kufizuese, duke bërë që njerëzit të vetëizolohen në shtëpi, shumë biznese të mbylleshin dhe shumë evenimente të shtyheshin.
Një nga këto evenimente që u shty për shkak të situatës së krijuar, ishte edhe koncerti i shumëpritur i këngëtarit latin, Maluma.
Ai pritej të mbante për herë të parë në Tiranë një koncert, në 14 mars për festën e “Ditës së Verës”.
Mirëpo një datë e re është përcaktuar për koncertin e tij në Shqipëri. Maluma ka konfirmuar datat e reja të turneut të tij “11/11”, ndër to edhe koncertin që do të mbahet në Tiranë.
Koncerti do të realizohet më 6 shtator 2020 dhe do të mbahet te sheshi “Nënë Tereza”.
Deri më atëherë shpresojmë se do të ketë kaluar edhe situata kaotike e krijuar nga koronavirusi, i cili po merr mijëra jetë njerëzish nga e gjithë bota.
