Kryeministri Edi Rama, bashkë me disa ministra ka prezantuar projektin e dy lagjeve të reja në Tiranë e Durrës, që janë pjesë e procesit të rindertimit pas tërmetit të 26 nëntorit.
E para është në Tiranë dhe do të jetë afër lumit ku do të strehohen 3 mijë e 175 familje. Kurse e dyta është në Spitallë të Durrësit dhe do të strehohen 1830 familje.
Totali i familjeve që do të strehohen nga këto dy lagje të reja janë 5 mijë e 5 familje.
Në takimin e sotëm kanë marrë pjesë dhe dy arkitektë italianë, të cilët prezantuan dhe planet e tyre.
Rama paralajmëron se po hapet një kapitull i ri për qytetet e së ardhmes.
Statusi
RINDËRTOJMË ? BASHKË
? STEFANO BOERI DHE MARIO CUCINELLA, DY ARKITEKTËT E FAMSHËM ITALIANË, PREZANTOJNË NË KËSHILLIN KOMBËTAR TË TERRITORIT, DY PLANE TË RINDËRTIMIT NË TIRANË DHE DURRËS, DY LAGJE TË REJA, NJËRA PRANË LUMIT TË TIRANËS E TJETRA NË ZONËN E SPITALLËS, QË MISHËROJNË AMBICIEN TONË PËR SHQIPËRINË QË DUAM??
??
Arkitekti italian Stefano Boeri, ka prezantuar planin e ndërtimit të lagjes së re në Tiranë. Kryefjalë e këti projekti është gjelbërimi.
“Është një projekt që ka përfshirë kompetenca kombëtare. Një projekt që ka rimarrë disa ide që kishim zhvilluar për masterplanin e Tiranës, idenë e një pylli orbital. Projekti parashikon që të ndërthuret në një nga zonat që përfytyrohej që do të krijohej një Tiranë policentrike, afër Kamzës.
Koncepti i këtij projekti niset nga ideja që duhet të ndërtohet një lagje eksperimentale, nga pikëpamja e teknologjike dhe sfidave të reja që na ka vënë përpara pandemia.
Që të realizojmë një qytet ku gjelbërimi të jetë ideja themelore, i vetëmjaftueshëm, një qytet ku mund të futen të gjithë, një lagje që të përshkohet në 15 minuta në këmbë, pa pasur nevojë për t’u përdorur makina. Një lagje në funksion të të rinjve, një lagje e mbrojtur dhe e sigurt. Një sistem hapësirash të gjelbra të mëdha dhe një pistë për biçikleta dhe këmbësor me një densitet të ulët. Tre qendra publike. Banorë të kësaj zone, që kanë humbur shtëpinë nga tërmeti dhe banorë të rinj. Mund të jenë selitë edhe të disa ministrive. 2/3 sipërfaqe të gjelbra, përdorimi i çative të gjelbra”.
