Ambasadorja e SHBA-së në Tiranë, Yuri Kim ka shpjeguar edhe një herë se si do të përdoren fondet e dhuruara nga Amerika për Shqipërinë.
Përmes një postimi në Twitter, Yuri Kim thotë se me paratë e siguruara nga SHBA do të krijohet një Akademi e re e Transparencës. Kjo akademi sipas saj, do të mbështesë qeverisjen transparente, qeverisjen e përgjegjshme ndaj qytetarëve, trajnimet kundër korrupsionit dhe reformën gjyqësore.
“Transparenca dhe përgjegjësia janë thelbësore. Kjo është arsyeja pse donacionet amerikane do të krijojnë një Akademi të re të Transparencës për të mbështetur qeverisjen transparente, qeverisjen e përgjegjshme ndaj qytetarëve, trajnimet kundër korrupsionit dhe reformën gjyqësore”, shkruan ajo në “Twitter”.
