Ndër shtetet që dhanë kontributin e tyre për Shqipërinë ka qenë edhe SHBA.
Gjatë konferencës së donatorëve, Mathew Palmer u shpreh se SHBA do të dhurojë 4.7 milionë dollarë për Shqipërinë.
Sipas tij, ato do të ndahen në 3.9 milionë dollarë për familjet që kanë më shumë nevojë, ndërsa 800 mijë dollarë për monumentet e kulturës të dëmtuara. Po ashtu 60 mijë dollarë do të shkojnë për qendrat shëndetësore, mjekësinë dhe qendrat e emergjencave civile.
“Shpreh mbështetjen dhe vlerësimin për Edi Ramën. SHBA ka qenë gjithmonë përkrah Shqipërisë. Zanafilla e miqësisë sonë është prej Konferencës së Versajës kur Presidenti Uillson u ngrit për të mbrojtur Shqipërinë. Ne ishim aty në vitin 1991 kur erdhi demokracia.
Ne kemi tre faza, reagim, rindërtim dhe minimalizim i rrisqeve. Ne fillimisht dhamë një ndihmë të shpejtë prej 800 mijë dollarë. Qeveria e SHBA jep 3.9 milion dollar Shqipërisë në mënyrë transparente dhe llogaridhënëse për të shkuar për ata që kanë shkuar më shumë nevojë dhe në mënyrë të drejtë .
800 mijë dollar për monumentet e kulturës në Durrës, Tiranë dhe Prezë. Më pas do të japim edhe 600 mijë dollarë dhe për Kryqin e Kuq për qendra shëndetësore dhe emergjencat”, tha ai gjatë konferencës.
